سعودی عرب سمیت خلیجی ممالک میں رمضان کا چاند نظر آگیا، کل پہلا روزہ ہوگا

سعودی عرب سمیت خلیجی ممالک میں رمضان المبارک 1446 ہجری کا چاند نظر آگیا، پہلا روزہ کل یکم مارچ بروز ہفتہ کو ہو گا۔
سعودی خبر رساں ایجنسی کے مطابق رمضان کا چاند دیکھنے کیلئے مکہ، مدینہ، تبوک،سدیر سمیت دیگرشہروں کی آبزرویٹری میں اجلاس ہوئے جس میں محکمہ موسمیات اور فلکیات کے ماہرین نے شرکت کی۔
سعودی میڈیا میں بتایا گیا ہے کہ سعودی عرب کی سدیر اور تمیر میں چاند نظر آیا۔
رمضان کا چاند نظر آنے کے بعد سعودی عرب میں کل یکم مارچ کو پہلا روزہ ہوگا۔ سعودی سپریم کورٹ تھوڑی دیر میں باقاعدہ اعلامیہ جاری کرے گی۔