خواجہ آصف کو ایتھوپیا کی جانب سے “پاکستان فرٹرنیٹی ایوارڈ” سے نواز دیا

وزیر دفاع خواجہ آصف کو ایتھوپیا کی جانب سے “پاکستان فرٹرنیٹی ایوارڈ” سے نواز دیا گیا ہے۔

وزیر دفاع خواجہ آصف کو ایتھوپیا کے سفیر ڈاکٹر جمال بکر نے “پاکستان فرٹرنیٹی ایوارڈ” سے نوازا۔ یہ ایوارڈ خواجہ آصف کی دو طرفہ تعلقات کے فروغ میں نمایاں خدمات کے اعتراف میں دیا گیا ہے۔

ایتھوپیا کے سفیر نے خواجہ آصف کے کردار کو سراہتے ہوئے کہا کہ وزیر دفاع نے پاکستان اور ایتھوپیا کے درمیان تعلقات کو مضبوط کرنے میں اہم کردار ادا کیا ہے۔

خواجہ آصف نے ایتھوپیا کی طرف سے ملنے والے اعزاز پر ڈاکٹر جمال بکر کا شکریہ ادا کیا اور کہا کہ پاکستان اور ایتھوپیا کے دو طرفہ تعلقات اب انتہائی مستحکم ہوچکے ہیں۔

انہوں نے کہا کہ خاص طور پر خواجہ آصف کی کوششوں سے پاکستان میں ایتھوپین ائرلائن کا آغاز ممکن ہوا، جس نے دونوں ممالک کے درمیان رابطوں اور تجارتی تعلقات کو مزید مستحکم کیا۔