بلاول بھٹو زرداری سے پارٹی رہنماؤں کی ملاقات ، سیاسی صورت حال پر تبادلہ خیال

 بلاول بھٹو زرداری سے پارٹی رہنماؤں نے ملاقات کی جس دوران سیاسی و صوبائی معاملات پر تبادلہ خیال کیا گیا۔

پیپلزپارٹی کے چئیرمین بلاول بھٹو زرداری نے پارٹی رہنماؤں سے ملاقات کی جس دوران مختلف سیاسی و صوبائی معاملات پر تبادلہ خیال کیا گیا ہے۔

 بلاول بھٹو سے سابق گورنر و وفاقی وزیر قمر زمان کائرہ، رکن خیبرپختونخوا اسمبلی احمد کنڈی اور گورنر خیبرپختونخوا گورنر فیصل کریم کنڈی نے زرداری ہاؤس میں ملاقات کی ، ان ملاقاتوں میں بنوں حملے اور ضلع کرم سمیت صوبے میں قیام امن کی صورت حال جب کہ گورنر ہاؤس میں زرعی اور بلدیاتی موضوعات پر ہونے والے کنونشن پر بریفنگ دی گئی۔

بلاول بھٹو زرداری سے پی پی پی ہیومن رائٹس سیل کے سربراہ فرحت اللہ بابر نے زرداری ہاؤس میں ملاقات کی جس دوران ملک میں انسانی حقوق سے متعلق صورت حال اور اس سلسلے میں پارٹی کے انسانی حقوق سیل کی کارکردگی کے حوالے سے گفتگو ہوئی۔