دو روز کے استحکام کے بعد سونا آج پھر مہنگا، فی تولہ کتنے کا ہو گیا؟

کراچی: سونے کی قیمتوں میں دو روز کے استحکام کے بعد آج پھر اضافہ دیکھا گیا ہے۔
آل پاکستان جیمز اینڈ جیولرز ایسوسی ایشن کے مطابق کاروباری ہفتے کے پہلے دو روز قیمتوں میں استحکام کے بعد آج بدھ کے روز سونے سونےکی قیمت میں 500روپے کا اضافہ ریکارڈ کیا گیا ہے،جس کے بعد ملک میں 24 گرام سونے کی فی تولہ قیمت 3لاکھ 6ہزار 500روپے کی سطح پر آگئی ہے۔
 اسی طرح دس گرام سونے کی قیمت میں بھی 429روپے کا اضافہ ریکارڈ کیا گیا جس کے بعد دس گرام سونے کی نئی قیمت بڑھ کر 2لاکھ 62ہزار 774روپے کی سطح پر پہنچ گئی۔
دوسری جانب عالمی مارکیٹ میں سونے کی فی اونس سونے قیمت میں 5ڈالر کا اضافہ ہوا ہے جس کے بعد عالمی مارکیٹ میں سونے کی نئی قیمت 2915ڈالر کی سطح پر آگئی ہے۔