کاروباری ہفتے کے آخری روزاسٹاک ایکسچینج میں زبردست تیزی ، ڈالر مہنگا ہو گیا

کراچی: کاروباری ہفتے کے آخری روزپاکستان اسٹاک ایکسچینج میںدن کے آغاز پر زبردست تیزی کا رجحان دیکھا گیا ،جبکہ انٹر بینک میں امریکی ڈالر 15 پیسے مہنگا ہو گیا۔
کاروباری ہفتے کے آخری روز اسٹاک مارکیٹ میں کاروبار کا مثبت آغاز ہوا، 100 انڈیکس 600 سے زائد پوائنٹس کے اضافے کے ساتھ  ایک لاکھ 15 ہزار 730 پوائنٹس کی سطح پر پہنچ گیا۔
واضح رہے کہ گزشتہ کاروباری دن کے اختتام پر انڈیکس 1009 پوائنٹس کے اضافے کیساتھ 1 لاکھ 15 ہزار 94 پوائنٹس کی سطح پر بند ہوا تھا۔ گزشتہ روز مثبت کاروبار کے باعث سرمایہ کاروں کو اربوں روپے کا فائدہ ہوا تھا۔
دوسری جانب انٹر بینک میں ڈالر 15 پیسے مہنگا ہونے کے بعد 280 روپے 20 پیسے کا ہو گیا۔