مشہور ریسلرو اداکارجان سینا کا جلد کے کینسر میں مبتلا ہونے کا انکشاف

مشہور امریکی اداکار و ریسلر جان سینا نے جلد کے کینسر میں مبتلا ہونے کا انکشاف کر دیا۔
امریکی میڈیا رپورٹس کے مطابق 16 بار کے عالمی چیمپیئن رہنے والے جان سینا نے حال ہی میں انکشاف کیا ہے کہ مجھ میں جلد کے کینسر کی تشخیص ہوئی تھی۔
جان سینانے حال ہی میں انکشاف کیا ہے کہ مجھ میں جلد کے کینسر کی تشخیص ایک نہیں بلکہ دو بار ہوئی تھی، تاہم اب علاج کے بعد میں صحت یاب ہوں۔ 
ان کے مطابق کینسر سے صحت یاب ہونے کے بعد سے لوگوں کو آگاہی دے رہا ہوں کہ سورج سے جلد کی حفاظت کتنی ضروری ہے۔
 انہوں نے مزید بتایا کہ ڈرماٹولوجسٹ سے معمول کے چیک اپ کے دوران جلد کے کینسر کی تشخیص ہوئی، اس وقت دائیں چھاتی کے پٹھوں سے کینسر کو نکالا گیا۔  
اس کے ایک سال بعد دائیں کندھے میں دوسری بار کینسر کی تشخیص ہوئی تاہم اب اسے بھی نکال دیا گیا ہے۔