سعودی عرب نے مزید 10 ہزار پاکستانیوں کو حج کی اجازت دے دی

پاکستانی عازمین حج کیلئے اچھی خبر ، سعودی عرب نے مزید 10 ہزار پاکستانیوں کو حج کی اجازت دے دی۔

نائب وزیرِ اعظم و وزیرِ خارجہ اسحاق ڈار کا گزشتہ روز سعودی وزیرِ خارجہ فیصل بن فرحان السعود سے رابطہ ہوا۔

وزارت اطلاعات نے بتایاکہ پاکستان نے عازمینِ حج کے لیے حج کوٹہ میں اضافے کی خصوصی درخواست کی، درخواست ان شہریوں کے لیے کی گئی جو مقررہ تاریخ تک رجسٹریشن نہیں کروا سکے تھے۔

وزارتِ اطلاعات کے مطابق پاکستان کی درخواست سعودی حکام نے قبول کرتے حج کوٹہ میں توسیع کی منظوری دی ہے ، جس کے بعد اب مزید 10 ہزار پاکستانی شہری حج کی سعادت حاصل کر سکیں گے۔