سکھ یاتریوں کی آمد ،ننکانہ صاحب میں تعلیمی ادارے پانچ دن بند رکھنے کا اعلان

ننکانہ صاحب: بیساکھی میلے سیکھ یاتریوں کی آمد کی کو مدنظر رکھتے ہوئے ننکانہ صاحب کی ضلعی انتظامیہ نے تعلیمی ادارے پانچ دن بند رکھنے کا اعلان کر دیا ہے۔
اس حوالے سےضلعی انتظامیہ ننکانہ صاحب کی جانب سے باقاعدہ نوٹیفکیشن جاری کر دیا ہے۔
پاکستان سمیت دنیا بھر سے بھی ہزاروں سکھ یاتری بیساکھی میلہ میں شرکت کریں گے، مرکزی تقریب 14 اپریل کو ہو گی۔
دوسری جانب ڈی پی او کی ہدایت پر سکھ برادری کے بیساکھی میلے کا پولیس نے سیکیورٹی پلان جاری کر دیا ہے۔
 ترجمان پولیس کے مطابق 2000 پولیس افسران و جوان سیکیورٹی ڈیوٹی پر مامور ہوں گے۔
ضلعی پولیس کے علاوہ پنجاب کنسٹیبلری فاروق آباد اور دیگر اضلاع سے اضافی نفری بھی طلب کی گئی ہے، بیرون ممالک سے آنے والے سکھ یاتری 12 اپریل کو ننکانہ صاحب پہنچیں گے۔
خیال بیساکھی میلہ میں شرکت کے لیے بھارت سے سکھ یاتریوں کی ایک بڑی تعداد پاکستان پہنچ چکی ہے، انڈیا سے سات ہزار کے قریب سکھ یاتری ننکانہ صاحب پہنچیں گے۔