وزیر اعلی علی امین کا مائنز اینڈ منرلز ایکٹ پربانی پی ٹی آئی سے مشاورت کا فیصلہ

پشاور: وزیر اعلی خیبر پختونخوا علی امین گنڈا پور نے کے پی مائنز اینڈ منرلز ایکٹ پر بانی پی ٹی آئی سے مشاورت کرنے کا فیصلہ کیا ہے۔
 ذرائع کے مطابق وزیراعلیٰ کے ترجمان نے کہا کہ علی امین گنڈا پور (آج)پیر کو بانی پی ٹی آئی سے ملاقات کے لیے اڈیالا جائیں گے، جہاں ملاقات میں اہم سیاسی امور زیر بحث آئیں گے۔
ترجمان وزیراعلیٰ نے کہا کہ ملاقات میں علی امین گنڈاپور بانی پی ٹی آئی سے مائنز اینڈ منرلز بل پرحتمی رائے لیں گے۔ذرائع نے مزید بتایا کہ  ملاقات میں پارٹی کے اندرونی معاملات پر بھی بات چیت ہوگی۔
خیال رہے کہ خیبرپختونخوا اسمبلی میں پیش کیے گئے مائنز اینڈ منرلز ایکٹ پر پارٹی کے اراکین اسمبلی اور مختلف سیاسی حلقوں کی جانب سے تنقید کا سلسلہ جاری ہے۔