مسلسل اضافے کے بعد سونے کی قیمت میں نمایاں کمی،فی تولہ کتنے کا ہو گیا؟

کراچی:عالمی اور مقامی مارکیٹ میں سونے کی قیمت میں مسلسل ہوشربا اضافے کے بعد آج معمولی کمی ریکارڈ کی گئی ہے۔
آل پاکستان جیمز اینڈ جیولرز ایسوسی ایشن کے مطابق بین الاقوامی بلین مارکیٹ میں فی اونس سونے کی قیمت میں کمی کے باعث مقامی مارکیٹوں میں بھی کاروباری ہفتے کے پہلے روز سونے کی قیمت 1800روپے کی کمی ریکارڈ کی گئی ہے،جس کے بعد ملک میں24 گرام سونےکی قیمت 3 لاکھ 38 ہزار 800 روپے کی سطح پر آگئی۔
اسی طرح 10 گرام سونے کی قیمت میں بھی 1543روپے کی کمی دیکھی گئی ہے جس کے بعد دس گرام سونے کی نئی قیمت 2 لاکھ 90 ہزار 466 روپے کی سطح پر آگئی۔
دوسری جانب بین الاقوامی بلین مارکیٹ میں فی اونس سونے کی قیمت 18ڈالر کی کمی ہوئی ہے جس کے بعد عالمی مارکیٹ میں سونے کی قیمت 3218 ڈالرفی اونس کی سطح پر آگئی۔