ایک روز کی کمی کے بعد سونا آج پھر مہنگا ،فی تولہ کتنے کا ہو گیا؟

کراچی:ایک روز کی کمی کے بعد عالمی اور مقامی مارکیٹوں میں آج پھر سونا مہنگا ہوگیا۔
 ٓآل پاکستان جیمز اینڈ جیولرز ایسوسی ایشن کے مطابق کاروباری ہفتے کے دوسرے روز صرافہ مارکیٹوں میں  24گرام سونے کی فی تولہ قیمت 600روپے کا اضافہ ہوا ہے جس کے بعد سونے کی نئی قیمت 3لاکھ 39ہزار 400روپے کی سطح پر آگئی۔
اسی طرح ملک میں فی 10گرام سونے کی قیمت میں بھی 514روپے کا اضافہ ہوا ہے جس کے بعدمقامی مارکیٹوں میں دس گرام سونے کی نئی قیمت  2لاکھ 90ہزار 980روپے کی سطح پر آگئی۔
دوسری جانب بین الاقوامی بلین مارکیٹ میں فی اونس سونے کی قیمت میں 6ڈالر کا اضافہ ہوا ہے جس کے بعد عالمی مارکیٹ میں سونے کی نئی قیمت 3224ڈالر کی سطح پر پہنچ گئی ہے۔
خیال رہے کہ گزشتہ روز سونے کی قیمت میں 1800کی کمی ریکارڈ ہوئی تھی۔