سونے کی قیمت میں مسلسل دوسرے روز ہوشربا اضافہ،فی تولہ کتنے کا ہو گیا؟

کراچی: کاروباری ہفتے کے دوسرے روز ہی سونے کی قیمت میں ہزاروں روپے کا اضافہ ریکارڈ کیا گیا جس کے بعد سونے کی قیمت ایک دفعہ پھر ملکی تاریخ کی بلند ترین سطح پر پہنچ گئی۔
آل پاکستان جیمز اینڈ جیولرز ایسوسی ایشن کے مطابق کاروباری ہفتے کے دوسرے روز سونے کی فی تولہ قیمت نئی تاریخی بلندی پر پہنچ گئی فی تولہ سونے کی قیمت میں  5ہزار 900روپے کے اضافے سے 3لاکھ 63ہزار 700روپے کی نئی بلند سطح پر آگئی۔
اسی طرح 10گرام سونے کی قیمت میں 5ہزار 59روپے بڑھ کر 3لاکھ 11روپے 814روپے کی نئی بلند سطح پر آگئی۔
دوسری جا نب بین الاقوامی بلین مارکیٹ میں فی اونس سونے کی قیمت میں 59ڈالر کا اضافہ ہوا ہے جس کے بعد عالمی مارکیٹ میں سونے کی نئی قیمت  3ہزار 454 ڈالر کی نئی بلند سطح پر آگئی۔