پاکستان کا کروز میزائل بابر کا کامیاب تجربہ ، آئی ایس پی آر

پاک فوج کے شعبہ تعلقات عامہ (آئی ایس پی آر) کے مطابق  پاکستان نے کروز میزائل بابر کا کامیاب تجربہ کرلیا،کروز میزائل بابر 450کلومیٹر تک زمین اور سمندرمیں ہدف کو نشانہ بنانےکی صلاحیت رکھتاہے۔

آئی ایس پی آر کے مطابق کروزمیزائل کا تجربہ ملٹی ٹیوب میزائل لانچ وہیکل کے ذریعے کیا گیا۔صدر مملکت ڈاکٹر عارف علوی، وزیر اعظم عمران خان، چیئرمین جوائنٹ چیفس آف اسٹاف کمیٹی اور سروسز چیف نے کامیاب تجربے پر مبارکباد پیش کی۔

خیال  رہے کہ پاک فوج کی جانب سے یہ تیسرا میزائل تجزبہ ہے اس سے قبل  3 فروری کو پاکستان نے  جوہری صلاحیت کے حامل بیلسٹک میزائل "غزنوی"  کا کامیاب تجربہ کیا تھا  ،جبکہ  گزشتہ ماہ 20 جنوری کو پاکستان نے زمین سے زمین پر مار کرنے والے بیلسٹک میزائل "شاہین تھری" کا بھی کامیاب تجربہ کیا تھا۔