ڈی چوک احتجاج کیس: عدالت کا غیر حاضر ملزمان کے ضمانتی مچلکے ضبط کرنے کا حکم

اسلام آباد: عدالت نے26 نومبر کو ڈی چوک میں ہونے والے پاکستان تحریک انصاف (پی ٹی آئی) کےاحتجاج کیس میں غیر حاضر ملزمان کے ضمانتی مچلکوں کو ضبط کرنے کا حکم دے دیا۔

تفصیلات کے مطابق انسداد دہشت گردی عدالت (اے ٹی سی ) پی ٹی آئی کی قیادت اور کارکنان کے خلاف 26 نومبر کے احتجاج کے حوالے سے درج مقدمہ کی سماعت ہوئی۔

ے ٹی سی جج طاہر عباس سپرا نے کیسز پر سماعت کرتے ہوئے غیر حاضر ملزمان کے ضمانتی مچلکوں کو ضبط کرنے کا حکم دے دیا اور ان کے ضمانتیوں کو نوٹسز جاری کرنے کی بھی ہدایت کر دی۔

دوران سماعت عدالت نے غیر حاضر ملزمان کے ناقابل ضمانت وارنٹ گرفتاری بھی جاری کیے ہیں، اس موقع پر عدالت نے کیس کی مزید سماعت 31 جولائی تک ملتوی کردی۔

واضح رہے کہ پی ٹی آئی قیادت اور کارکنان کے خلاف تھانہ سیکرٹریٹ میں 26 نومبر کو ہونے والے احتجاج کے حوالے سے مقدمات درج ہیں جس میں دہشت گردی کی دفعات بھی شامل ہیں۔