بنوں : تھانہ میریان پر دہشتگردوں کا کواڈ کاپٹر حملہ ،پولیس نے جدید ٹیکنالوجی سے ناکام بنادیا

بنوں: خیبرپختونخوا کے ضلع بنوں میں تھانہ میریان پرخارجی دہشت گردوں نے کواڈ کاپٹر سے حملہ کیا جسےپولیس نےجدید ٹیکنالوجی سےبروقت کارروائی کرتے ہوئے ناکام بنادیا۔

تفصیلات کے مطابق بنوں میں دہشت گردوں کی جانب سے تھانہ میریان پر دہشت گردوں نے کواڈ کاپٹر سے حملہ کردیا تاہم پولیس نے جدید ٹیکنالوجی کے ذریعے حملہ ناکام بنادیا۔

ڈی آئی جی بنوں ریجن سجاد خان کے مطابق کواڈ کاپٹر کو فضا میں ہی مار گرایا گیا۔

ڈی آئی جی بنوں نے مزید بتایا کہ دہشت گرد بنوں کے مضافاتی علاقوں غوڑا بکا خیل اور میریان نورڈ میں موجود ہیں،ان کا کہنا تھا کہ دہشت گردوں کے خلاف پولیس اینٹلی جنس بیسڈ آپریشن جاری رکھے ہوئے ہے۔

ڈی آئی جی بنوںنے مزید بتایا کہ پولیس جدید اسلحہ، ترمل اسلحہ، ڈورنز، ہلکے اور بھاری ہتھیاروں سے لیس ہے، مختلف علاقوں میں عوام کے ساتھ مل کر چغہ پارٹیاں بھی بنا رہے ہیں۔