پاکستان اسٹاک ایکسچینج میں تیزی کا رجحان برقرار،انڈیکس  40 ہزار کی سطح پر بحال 

کراچی : کاروباری ہفتے کے پہلے روزپاکستان اسٹاک ایکسچینج (پی ایس ای )میں تیزی کا رجحان برقراررہا،انڈیکس نے ایک بار پھر ایک لاکھ 40 ہزار کی حد عبور کر لی ،جبکہ تبادلہ مارکیٹ میں روپے کے مقابلے میں ڈالر کی قیمت بھی کم ہو گئی۔

تفصیلات کے مطابق کاروباری ہفتے کے پہلے روز اسٹاک مارکیٹ میں تیزی کا رجحان دیکھا گیا ، کاروبار کے آغاز پر 100 انڈیکس میں 870 پوائنٹس کا اضافہ ریکارڈ کیا گیا جس کے بعد انڈیکس ایک لاکھ 40 ہزار 77 پوائنٹس پر پہنچ گیا۔

خیال رہے کہہ گزشتہ ہفتے بھی اسٹاک مارکیٹ میں مثبت کاروبار کے باعث ہنڈریڈ انڈیکس میں بڑا اضافہ ہوا تھا۔

دوسری جانب انٹر بینک میں ڈالر سستا ہو گیا ، ایکسچینج کمپنیزایسوسی ایشن کے مطابق 10 پیسے کی کمی سے انٹر بینک میں ڈالر کی قیمت 283 روپے 35 پیسے پرٹریڈ کر رہا ہے۔