بانی پی ٹی آئی کی 9 مئی سے متعلق ضمانت کی اپیلوں پر سماعت کرنے والا سپریم کورٹ کا بینچ تبدیل

اسلام آباد: پاکستان تحریک انصاف( پی ٹی آئی ) کے بانی چئیرمین عمران خان کی 9 مئی سے متعلق ضمانتوں کی اپیلوں پر سماعت کرنے والا سپریم کورٹ کا بینچ تبدیل ہو گیا ہے۔

تفصیلات کے مطابق پاکستان سپریم کورٹ میں بانی پی ٹی آئی کی اپیلوں پر سماعت کرنے والے بینچ میں ایک رکن جسٹس میاں گل حسن اورنگزیب کا اضافہ کر دیا گیا جس کے بعد مبران کی تعداد 3 ہو گئی۔

تین رکنی بینچ 12 اگست کو چیف جسٹس کی سربراہی میں سماعت کرے گا۔

خیال رہے کہ اس سے قبل بانی پی ٹی آئی کی ضمانت کی اپیلیں چیف جسٹس یحییٰ آفریدی کی سربراہی میں 2 رکنی بینچ کے روبرو مقرر کی گئی تھیں، جس میں جسٹس شفیع صدیقی بھی شامل تھے۔

واضح رہے سپریم کورٹ کے 2 رکنی بینچ نے آج بانی پی ٹی آئی کی اپیلوں پر سماعت ان کے وکیل سلمان صدر کی استدعا پر 12 اگست تک ملتوی کر دی تھی۔