سام سنگ کا نیا ماڈل گلیکسی ایس 25 ایف ای کب لانچ ہو گا؟ اہم فیچر کون سے ہونگے؟

ٹیکنالوجی کمپنی سام سنگ کے گلیکسی ایس 25 فین ایڈیشن (ایف ای) کی لانچ آئندہ چند ہفتوں میں (ممکنہ طور پر ستمبر میں) متوقع ہے۔ ریلیز کا وقت قریب آتے ہی فون کے حوالے سے معلومات لیک ہونے کا سلسلہ بھی تیز ہو گیا ہے۔

تازہ ترین لیک میں ڈیوائس کی میموری اور کلر آپشن اور کیمرہ سسٹم  سے متعلق بتایا گیا ہے۔

ذرائع کے مطابق نئی ڈیوائس میں 8 جی بی/128 جی بی اور 8 جی بی/256 جی بی اسٹوریج کانفیگریشن پیش کی جائیں گی جو کہ صارفین کے لیے تھوڑی مایوس کن ہےکیوں کہ اتنی ہی قیمت میں سام سنگ کی حریف کمپنیاں 256 جی بی کی بیس اسٹوریج دے رہے ہیں۔

کیمرہ سسٹم کے بارے میں بتایا جارہا ہے کہ نئے آنے والے ماڈل میں ٹرپل لینز سیٹ اپ استعمال کیا گیا ہے جو کہ سابقہ ایف ای ماڈل کی طرح ہی رکھا گیا ہے جبکہ سیلفی کیمرہ کو 10میگا پگزل سے بڑھا کر12 میگا پگزل کیا گیا ہے۔

جہاں تک رنگوں کا تعلق ہے یہ ڈیوائس نیوی، آئسی بلیو، جیٹ بلیک اور وائٹ رنگ میں متعارف کرائی جائے گی۔

صارفین نیوی، جیٹ بلیک اور آئسی بلیو رنگوں کو موجود گلیکسی ایس لائن اپ میں دیکھ چکے ہیں اس لیے صارفین کو ایس25 ایف ای کے حوالے سے اندازہ ہے۔

واضح رہےکہ  ان میں سے کوئی بھی رنگ موجودہ گلیکسی ایس 24 ایف ای میں متعارف نہیں کرایا گیا تھا۔