پانچواں ٹیسٹ : بھارت نے سنسنی خیز مقابلے کے بعد انگلینڈ کو شکست دےدی ،سیر یز 2-2سے برابر

لندن : بھارت نے ٹنڈولکر اینڈرسن ٹیسٹ سیریز کے آخری میچ میں سنسنی خیز مقابلے کے بعد انگلینڈ کو6 رنز سے شکست دے کر پانچوں میچوں کی سیریز 2-2 سے برابر کر دی۔

تفصیلات کے مطابق آخری ٹیسٹ میچ کی دوسری اننگز میں انگلینڈ کی ٹیم 367 رنز بنا کر آؤٹ ہوگئی،بھارت کی جانب سے محمد سراج نے 5 کھلاڑیوں کو آؤٹ کیا،بھارتی بالر کرشنا نے 4 وکٹیں حاصل کیں۔

محمد سراج نے آخری روز تین کھلاڑیوں کو آوٹ کرکے انگلینڈ کے ارمانوں پر پانی پھیر دیا  جبکہ پراسدھ کرشنا نے ایک وکٹ حاصل کی۔

میچ میں 9 وکٹیں حاصل کرنے پر محمد سراج میچ کے بہترین کھلاڑی قرار پائے ، انگلینڈ کی جانب سے 481 رنز بنانے پر ہیری بروک جبکہ بھارت کی جانب سے شبمن گل 754 رنز بنانے پر پلیئر آف دی سیریز قرار پائے۔

بھارت اور انگلینڈ کے درمیان 5میچز کی سیریز 2-2 سے برابر ہوگئی۔

خیال رہے کہ 5 میچز کی سیریز کا پہلا ٹیسٹ انگلینڈ جیتا تھا، دوسرے میں بھارت کو کامیابی حاصل ہوئی تھی۔

تیسرے ٹیسٹ میں انگلینڈ کامیاب ہوا، جبکہ چوتھے ٹیسٹ کا کوئی نتیجہ نہ نکل سکا ،پانچواں اور آخری ٹیسٹ بھارت جیتا اور سیریز برابر کردی۔