9 مئی کیس: شاہ محمود قریشی کی بریت لاہور ہائیکورٹ میں چیلنج

شاہ محمود قریشی کی 9 مئی مقدمے میں بریت کے خلاف لاہور ہائیکورٹ سے رجوع کر لیا گیا۔

میڈیا رپورٹس کے مطابق، پراسیکیوشن نے لاہور ہائیکورٹ میں ایک اپیل دائر کی ہے جس میں مؤقف اپنایا گیا ہے کہ انسدادِ دہشتگردی عدالت کی جانب سے شاہ محمود قریشی کی بریت حقائق کے برعکس ہے۔

درخواست میں مؤقف اختیار کیا گیا ہے کہ ٹرائل کورٹ نے شواہد اور دستیاب مواد کا درست تجزیہ نہیں کیا، اور فیصلہ انصاف کے تقاضوں کے برخلاف دیا گیا۔

پراسیکیوشن نے عدالت سے استدعا کی ہے کہ بریت کے فیصلے کو کالعدم قرار دے کر شاہ محمود قریشی کے خلاف مقدمہ دوبارہ چلایا جائے۔

یاد رہے کہ انسداد دہشتگردی عدالت نے اگست 2025 میں 9 مئی کے مقدمات میں شاہ محمود قریشی کو بری کر دیا تھا۔