فارن پالیسی کا اعتراف: پاکستان کے معدنی ذخائر عالمی معیار کے حامل

امریکی جریدے فارن پالیسی نے پاکستان کے معدنی وسائل کی عالمی اہمیت کو تسلیم کیا ہے۔

فارن پالیسی کے مطابق پاکستان کے معدنی ذخائر اعلیٰ معیار کے ہیں اور ان کا رقبہ تقریباً 2 لاکھ 30 ہزار مربع میل پر محیط ہے، جو برطانیہ کے رقبے سے دوگنا زیادہ ہے۔

جریدے نے کہا کہ معدنی شعبے میں بین الاقوامی سرمایہ کاری سے پاکستان کو معاشی اور سماجی فوائد حاصل ہوں گے۔

مزید برآں، پاکستان نے اپنے معدنی وسائل کے موثر استعمال کے لیے "قومی معدنی پالیسی 2025" تیار کی ہے، جس کے نتائج خاص طور پر بلوچستان سمیت پورے ملک کے عوام تک پہنچیں گے۔

فارن پالیسی نے کہا ہے کہ معدنی ذخائر کے بہترین استفادے سے پاکستان میں معاشی ترقی اور سماجی خوشحالی کے نئے مواقع پیدا ہوں گے۔