مسلسل پانچ دن کی کمی کے بعد سونا آج پھر مہنگا، فی تولہ کتنے کا ہو گیا؟

کراچی : مسلسل پانچ دن کی کمی کے بعدعالمی ومقامی مارکیٹوں میں سوناآج پھر مہنگا ہو گیا۔

آل پاکستان جیمز اینڈ جیولرز ایسوسی ایشن کے مطابق آج ہفتے کے روز سونے کے نرخ میں 1800 روپے فی تولہ اضافہ ہوا ہے جس کے بعد نئی فی تولہ قیمت 4 لاکھ 33 ہزار 662 روپے ہو گئی ہے۔

ایسوسی ایشن کے مطابق اسی طرح دس گرام سونے کے نرخ میں 1543روپے کا اضافہ ہوا ہے جس کےبعد دس گرام سونے کی نئی قیمت 3 لاکھ 71 ہزار 795 روپے کی سطح پر آ گئی ہے۔

دوسری جانب عالمی بلین مارکیٹ میں سونا 18 ڈالر مہنگا ہوا ہے جس کے بعد فی اونس قیمت 4113 ڈالر ہو گئی ہے۔

اس کے برعکس چاندی کی فی تولہ قیمت میں بھی 57 روپے کا اضافہ ہوا ہے جس کے بعد چاندی 5124 روپے تولہ ہو گئی ہے۔

خیال رہے کہ گزشتہ روز سونے کی قیمت میں 2 ہزار روپے فی تولہ کمی ہوئی ریکارڈ کی گئی تھی جبکہ پچھلے دو دنوں کے دورا ن مجموعی طور پر سونے کے نرخ میں 5500 روپے کی کمی ہوئی۔