آزاد کشمیر میں حکومت سازی کی کوششیں، پی ٹی آئی فارورڈ بلاک کے 5 وزرا پیپلز پارٹی میں شامل

اسلام آباد:پاکستان تحریک انصاف (پی ٹی آئی)  فارورڈ بلاک کے 5 وزرا نے پیپلز پارٹی میں شمولیت کا اعلان کر دیا۔

تفصیلات کے مطابق بیرسٹر سلطان محمود چودھری گروپ نے پیپلز پارٹی کی حمایت کا اعلان کر دیاہے اور پی ٹی آئی فارورڈ بلاک کے 5 ارکان پیپلز پارٹی میں شامل ہو گئے۔

پیپلز پارٹی میں شامل ہونے والوں میں یاسر سلطان ،چودھری ارشد ،سردار محمد حسین، چودھری اخلاق اور چودھری رشید شامل ہیں۔
پانچوں ارکان نے فریال تالپور اور چودھری ریاض سے ملاقات میں شمولیت کا اعلان کیا،فارورڈ بلاک سے تعلق رکھنے والے ملک ظفر اقبال نے بھی پیپلز پارٹی رہنما فریال تالپور سے ملاقات کی۔

واضح رہے کہ پی ٹی آئی فارورڈ بلاک کے اراکین کی شمولیت کے بعد پیپلز پارٹی کے پارلیمانی گروپ کی مجموعی تعداد 23 تک پہنچ گئی،جبکہ حکومت بنانے کے لیے 27 ارکان کی حمایت درکار ہے۔

خیال رہے کہ گزشتہ روز صدر آصف علی زرداری نے آزاد کشمیر میں عدم اعتماد لانے اور آزاد کشمیر میں حکومت بنانے کی منظوری دی تھی۔