پاک افغان مذاکرات:طالبان کی طرف سے دہشتگردوں کی سر پرستی منظور نہیں، پاکستان نے حتمی مؤقف پیش کردیا

استنبول: ترکیہ کے شہر استنبول میں پاکستان اور افغانستان کے مابین ہونے والے مذاکرات کے دوسرے روز پاکستانی وفد نے افغان طالبان کے وفد کو حتمی مؤقف پیش کردیا۔

سیکیورذرائع کے مطابق مذکرات کے دوران پاکستان نے واضح کیا ہےکہ افغان طالبان کی طرف سےکی جانے والی دہشت گردوں کی سر پرستی منظورنہیں ہے۔

سیکیورٹی کے مطابق پاکستانی وفد نےکہا کہ دہشت گردی کے خاتمےکے لیے ٹھوس اور یقینی اقدامات کرنے ہوں گے۔

ذرائع کا مزیدکہنا ہےکہ اس کے برعکس طالبان کے دلائل غیرمنطقی اور زمینی حقائق سے ہٹ کر ہیں،جبکہ دوسری جانب نظر آرہا ہےکہ افغان طالبان کسی اور ایجنڈے  پر چل رہے ہیں، یہ ایجنڈا افغانستان، پاکستان اور خطےکے استحکام کے مفاد میں نہیں ہے۔

سیکیورٹی ذرائع نے مزید کہا کہ مذاکرات میں مزید پیشرفت افغان طالبان کے مثبت رویے پر منحصر ہے۔