کاروباری ہفتے کے پہلے روز سونے کی قیمت میں ایک بار پھر بڑی کمی

سونے کی قیمت میں ایک بار پھر بڑی کمی ہو گئی ہے۔

مسلسل پانچ دن قیمت میں کمی کے بعد سونے کی قیمت میں گزشتہ کاروباری دن 1800 روپے کا اضافہ ہوا تھا۔

ملکی اور بین الاقوامی سطح پر آج پھر سونے کی قیمت میں کمی ہوئی ہے، سونے کی فی تولہ قیمت میں 3 ہزار 300 روپے کی کمی ہوئی ہے۔

اس کمی کے بعد سونے کے فی تولہ نرخ 4 لاکھ 30 ہزار 362 روپے کی سطح پر آ گئے ہیں ،10 گرام سونے کے نرخ میں 2829 روپے کمی ہونے سے قیمت 3 لاکھ 68 ہزار 966 روپے ہو گئی ہے۔

عالمی مارکیٹ میں سونے کے نرخ میں 33 ڈالرکی کمی ہونے سے فی اونس قیمت چار ہزار 80 ڈالرہو گئی ہے، چاندکی فی تولہ قیمت میں 27 روپے کی کمی ہونے سے قیمت 5 ہزار 97 روپے ہو گئی ہے۔

یاد رہے کہ 18 اکتوبر کو سونے کے نرخ میں 10 ہزار 600 روپے کی بڑی کمی ہوئی تھی لیکن اس سے قبل سونے کے نرخ میں ریکارڈ اضافہ بھی دیکھنے میں آیا تھا۔