ملک میں سونے کی قدر میں ہزاروں روپے کا اضافہ،چاندی بھی مہنگی

تاریخی گراوٹ کے ایک روز بعد ملک میں سونے کی قدر میں ہزاروں روپے کا اضافہ ہوگیا جبکہ چاندی بھی مہنگی ہوگئی۔

آل پاکستان صرافہ جیمز اینڈ جیولرز ایسوسی ایشن کے مطابق بدھ کو 24 قیراط کا فی تولہ سونا 3500 روپے کے اضافےسے 4لاکھ19ہزار 862 روپے پر پہنچ گیا۔

اسی طرح 10گرام سونےکی قیمت بھی 3 ہزار روپے کے اضافے سے 3 لاکھ 59 ہزار 963 روپے ہوگئی جبکہ عالمی مارکیٹ میں بھی 35 ڈالر کے اضافے سے فی اونس سونا 3975 ڈالر پرپہنچ گیا۔

عالمی مارکیٹ میں بھی گزشتہ روز سونے کے نرخ میں بڑی کمی ہوئی تھی، آج سونا 35 ڈالر مہنگا ہوا ہے جس کے بعد فی اونس قیمت 3975 ڈالر ہو گئی ہے۔

یار رہے کہ گزشتہ روز سونے کی قیمت میں تاریخی کمی ہوئی تھی، سونا 14000 روپے سستا ہوا تھا۔ گزشتہ 11 دنوں کے دوران سونا 40 ہزار 500 روپے سستا ہوا۔

دوسری جانب 110روپے کے اضافے سے فی تولہ چاندی کی قیمت 5 ہزار 34 روپے پرپہنچ گئی جبکہ 10گرام چاندی کی قیمت 94روپےکے اضافے سے 4 ہزار 315روپے پرپہنچ گئی، عالمی مارکیٹ میں فی اونس چاندی کی قیمت 47.72ڈالرپر پہنچ گئی۔