تیراہ : شدید برف باری، پاک فوج کی متاثرہ خاندانوں کیلئے امدادی سرگرمیاں جاری

تیراہ:خیبر پختونخوا میں شدید برف باری اور سخت موسمی حالات کے باعث پاک فوج کی جانب سے تیراہ سے عارضی طور پر نقل مکانی کرنے والے شہریوں کے لیے امدادی سرگرمیاں بھرپور انداز میں جاری ہیں۔

 برف باری کے دوران پاک فوج متاثرہ خاندانوں کی مکمل دیکھ بھال کر رہی ہے، پاک فوج اور مقامی انتظامیہ کی جانب سے سڑکوں پے ٹریفک کی روانی کو یقینی بنایا جا رہا ہے۔

متاثرہ افراد کو پاک فوج کی جانب سے خوراک، گرم رہائش اور دیگر بنیادی سہولیات مسلسل فراہم کی جا رہی ہیں،برف باری کے دوران متاثرہ خاندانوں کے لیے ٹرانسپورٹ اور نقل مکانی کا عمل بغیر کسی رکاوٹ کے منظم کیا جا رہا ہے۔

پاک فوج کی جانب سے بچوں، بزرگوں اور معذور افراد کی خصوصی دیکھ بھال کے لیے الگ انتظامات کیے گئے ہیں،برف باری کے دوران متاثرہ علاقوں میں فوری طور پر بحران کی تشخیص اور صورتحال کی نگرانی کے لیے ٹیمیں موجود ہیں تاکہ کسی بھی ہنگامی صورتحال کا بروقت حل نکالا جا سکے۔

پاک فوج کے یہ اقدامات اس حقیقت کی عکاسی کرتے ہیں کہ ریاست مشکل وقت میں اپنے شہریوں کی حفاظت اور کفالت کو اولین ترجیح دیتی ہے۔