چترال: گھر پر برفانی تودہ گرنے سےایک خاندان کے 9 افراد جاں بحق، ایک بچہ زخمی

چترال: صوبہ خیبرپختونخوا کے ضلع چترال میں مکان پر تودہ گرنے سے ایک ہی خاندان کے 9 افراد جاں بحق ہوگئے جب کہ ایک بچی معجزانہ طور پربچ گئی ہے۔

تفصیلات کے مطابق چترال کے دور افتادہ علاقے سریگال دمیل ارندو میں باچا نامی شخص کے مکان پر شدید برفباری کے باعث تودہ گرا جس کے نتیجے میں 10 افراد ملبے تلے دب گئے۔

حادثے کے فوراً بعد مقامی افراد نے امدادی کاروائیوں میں حصہ لیتے ہوئے ملبے سے 9 لاشوں کو نکال لیا جب کہ ایک بچی بھی زندہ نکال لی گئی۔

اس حوالے سے ڈی سی آفس چترال کا کہنا ہے کہ جاں بحق ہونے والوں میں 4 خواتین اور 5  مرد شامل ہیں۔