’ غزہ امن بورڈ‘ میں شمولیت فلسطینیوں پر جاری اسرائیلی مظالم کو رکوانے کےلیے کی،احسن اقبال

اسلام آباد: وفاقی وزیربرائے منصوبہ بندی و ترقی احسن اقبال کا کہنا ہے کہ’ غزہ امن بورڈ‘ میں شمولیت فلسطینیوں پر جاری اسرائیلی مظالم کو رکوانے کےلیے کی۔ 

تفصیلات کے مطابق پارلیمنٹ کے مشترکہ اجلاس میں حکومت نے غزہ امن بورڈ میں شمولیت کا دفاع کیا اور وفاقی وزیر احسن اقبال نے کہا ہمیں کوئی بزدلی اور غفلت کا طعنہ نہ دے۔

اُن کا کہنا تھا کہ آج غزہ میں سیزفائر 8 اسلامی ممالک کی وجہ سے ہے، اسلامی ممالک کو غزہ امن بورڈ کے ذریعے موقع ملا ہے کہ اہل فلسطین کے حقوق کا دفاع کرسکیں۔

خطاب میں ان کا کہنا تھاکہ مسلم لیگ ملکی سلامتی پر کسی سے درس لینے کی محتاج نہیں، غزہ امن بورڈ میں شمولیت فلسطینیوں پر جاری اسرائیلی مظالم کو رکوانے کیلئے کی۔

وفاقی وزیر کا کہنا تھاکہ پاکستان امن بورڈ کا حصہ نہیں بنتا تو اپوزیشن کہتی کہ پاکستان تنہا رہ گیا ہے، پاکستان کو آج اہم کردار ملا ہے تو اس پر خوش ہونا چاہیے۔