سانحہ گل پلازہ کا مقدمہ غفلت اور لاپرواہی کی دفعات کے تحت درج

کراچی: سانحہ گل پلازہ کامقدمہ 8روز کے بعدنامعلوم افراد کیخلاف نبی بخش تھانے میں کر لیاگیا ہے۔

تفصیلات کے مطابق سرکاری کی مدعیت میں درج کیے گئے مقدمے میں غفلت اور لاپرواہی کی دفعات شامل کی گئی ہیں۔ 

مقدمے کے متن کے مطابق کئی دروازے بند ہونے کے باعث امدادی کارروائی میں مشکلات پیش آئیں اور صورتحال مزید خراب ہو گئی،گل پلازہ میں حفاظتی انتظامات نہیں کیے گئے تھے،واقعے کے دوران لائٹس بند کر دی گئیں جس سے لوگوں کو شدید مشکلات کا سامنا کرنا پڑا۔
مقدمہ درج کرنے کے بعد ایف آئی آر کو سیل کر دیا گیا ہے۔

خیال رہے کہ وزیراعلیٰ سندھ سیدمرادعلی شاہ نے گزشتہ روز مقدمہ درج کرانے کاحکم دیاتھا۔

دوسری جانب حکام کا کہنا ہے کہ سانحے میں جاں بحق افراد 71 افراد میں سے 20 لاشوں کی شناخت کرلی گئی جبکہ لاپتہ افرادکی فہرست میں 82 افراد کے نام شامل ہیں۔