وزیر خارجہ کا بنگلہ دیشی ہم منصب سے رابطہ، مختلف شعبوں میں تعاون کو مزید مضبوط بنانے کے عزم کا اعادہ

اسلام آباد:نائب وزیرِ اعظم اسحاق ڈار اور بنگلہ دیش کےمشیر خارجہ امور محمد توحید حسین کے درمیان ٹیلیفونک رابطہ ہوا ہے جس میں تجارت اور معاشی تعاون سمیت دوطرفہ تعلقات کا جائزہ لیا گیا۔

ترجمان دفتر خارجہ کے مطابق ٹیلیفونک رابطے میں فریقین نے مختلف شعبوں میں تعاون کو مزید مضبوط بنانے کے عزم کا اعادہ کیا ۔

ترجمان کے مطابق دونوں رہنماؤں کےد رمیان موجودہ علاقائی اور بین الاقوامی صورتحال پر بھی تبادلہ خیال ہوا، جس میں مشترکہ مفادات کے فروغ کے ساتھ علاقائی امن اور خوشحالی کیلئےمسلسل روابط کی اہمیت پر زور دیا گیا ۔