Advertisement

ٹرمپ کا منی سوٹا کے گورنر اور میئر پرلوگوںکو بغاوت کے لیے بھڑکانے کا الزام 

وفاقی حکومت تحقیقات کی قیادت کے قابل نہیں، تشدد کا جواب تشدد سے نہیں دیا جاسکتا، آئی سی ای کے اقدامات میں بے رحمی نظر آتی ہے،گورنر منی سوٹا

GNN Web Desk
شائع شدہ 10 ماہ قبل پر جنوری 25 2026، 4:26 شام
ویب ڈیسک کے ذریعے
ٹرمپ کا منی سوٹا کے گورنر اور میئر پرلوگوںکو بغاوت کے لیے بھڑکانے کا الزام 

واشنگٹن ڈی سی:امریکی صدر ڈونلڈ ٹرمپ نے منی سوٹا کے میئر اور گورنر پر لوگوں کو بغاوت کیلئے بھڑکانےکا الزام عائد کردیا۔

غیر ملکی میڈیا رپورٹس کے مطابق امریکی صدر نے منی ایپولس میں شہری کی ہلاکت پر مقامی قیادت کے رد عمل کو خطرناک قرار دیتے ہوئے کہا کہ منی سوٹا کے میئر اور گورنر کی بیان بازی بغاوت کو ہوا دے رہی ہے۔

صدر ٹرمپ کے یہ بیانات اس وقت سامنے آئے ہیں جب منی سوٹا کے شہر منی ایپولس میں امیگریشن اینڈ کسٹم انفورسمنٹ ایجنٹ(آئی سی ای) کی فائرنگ سے ایک اور شخص ہلاک ہوا ہے،اس واقعے کے بعد علاقے میں کشیدگی پائی جاتی ہے اور مختلف حلقوں کی جانب سے ردعمل سامنے آ رہا ہے۔

اس دوران سکیورٹی اہلکاروں کی مظاہرین کے ساتھ جھڑپیں ہوئیں جس کے بعد سکیورٹی فورسز نے مظاہرین پر آنسو گیس کی شیلنگ کی۔

دوسری جانب گورنر منی سوٹا ٹم والز نے کہاکہ وفاقی حکومت تحقیقات کی قیادت کے قابل نہیں، تشدد کا جواب تشدد سے نہیں دیا جاسکتا، انہوں نے صدر ٹرمپ سے منیسوٹا سے فورس ہٹانے کا مطالبہ کیا اور کہا کہ آئی سی ای کے اقدامات میں بے رحمی نظر آتی ہے۔

انہوں نے کہا کہ ٹرمپ کے چیف آف اسٹاف سے دو بار  بات ہوئی، صدر ٹرمپ کے درست فیصلہ کرنے پر زیادہ اعتماد نہیں۔

خیال رہے کہ اس سے قبل منی ایپولس میں 7 جنوری کو بھی امیگریشن ایجنٹ کی فائرنگ سے 37 سالہ خاتون رینی گڈ ہلاک ہوئی تھی۔

Advertisement
رجحانات
Advertisement