Advertisement
پاکستان

پنجگور: سیکیورٹی فورسز کی کامیاب کارروائی میں 3 خارجی دہشتگرد جہنم واصل 

دہشت گردوں سے اسلحہ، ایمونیشن اور بارودی مواد برآمد ہوئے،ہلاک دہشت گرد علاقے میں دہشت گردی کی کارروائیوں میں ملوث تھے،ترجمان پاک فوج

GNN Web Desk
شائع شدہ 10 ماہ قبل پر جنوری 25 2026، 6:05 شام
ویب ڈیسک کے ذریعے
پنجگور: سیکیورٹی فورسز کی کامیاب کارروائی میں 3 خارجی دہشتگرد جہنم واصل 

راولپنڈی: بلوچستان کے ضلع پنجگور میں سیکیورٹی فورسزنےانٹیلی جنس بیسڈ آپریشن کرتے ہوئے فتنہ الہندوستان کے تین دہشت گرد ہلاک کردئے۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے دہشت گردوں کے ٹھکانے پر موثر کارروائی کی، شدید فائرنگ کے تبادلے میں فتنہ الہندوستان کے تین دہشت گرد ہلاک ہوئے،مقامی دہشت گرد کمانڈر فاروق عرف سولو، دہشت گرد عدیل اور دہشت گرد وسیم مارے گئے۔ 

ترجمان پاک فوج کے مطابق دہشت گردوں سے اسلحہ، ایمونیشن اور بارودی مواد برآمد ہوئے،ہلاک دہشت گرد علاقے میں دہشت گردی کی کارروائیوں میں ملوث تھے۔  

ترجمان آئی ایس پی آرنے مزید بتایا کہ علاقے میں سیکیورٹی فورسز کا سینیٹائزیشن آپریشن جاری ہے،عزم استحکام وژن کے تحت  انسداد دہشت گردی کے لیے انتھک کارروائیاں جاری ہیں۔

ترجمان نے مزید کہا ہے کہ پاکستان کی سیکیورٹی فورسز اور قانون نافذ کرنے والے ادارے غیر ملکی سپانسر دہشتگردی کی لعنت کے خاتمے کے لیے پوری قوت سے کارروائیاں جاری رکھیں گے۔ 

Advertisement
رجحانات
Advertisement