پشین میں سیکیورٹہ فورسز کی کامیاب کارروائی،بھارتی اسپانسرڈ 5 خارجی جہنم واصل

راولپنڈی:سیکیورٹی فورسز نےصوبہ بلوچستا ن کے ضلع پشین میں خفیہ اطلاعات پر آپریشن کرتے ہوئے بھارتی حمایت یافتہ 5 دہشت گردوں کو جہنم واصل کر دیا۔

پاک فوج کے شعبہ تعلقات عامہ(آئی ایس پی آر) کے مطابق آپریشن کے دوران سیکیورٹی فورسزنےتشکیلی گروہ کو مختلف ہتھیاروں سے مؤثر انداز میں نشانہ بنایا۔

ترجمان کے مطابق شدید فائرنگ کے تبادلے کے بعد ایک خودکش حملہ آور نے خود کو دھماکے سے اڑا لیا جبکہ مزید چار بھارتی سرپرستی یافتہ خوارج کو ہلاک کر دیا گیا۔

ترجمان کا مزید کہنا تھا کہ مارے گئے خوارج کے قبضے سے اسلحہ، گولہ بارود اور دھماکہ خیز مواد بھی برآمد کیا گیا۔

ترجمان آئی ایس پی آر کے مطابق یہ عناصر علاقے میں متعدد دہشت گرد کارروائیوں میں سرگرم رہے تھے۔

ترجمان پاک فوج نے مزید کہا کہ ملک سے بیرونی سرپرستی یافتہ دہشت گردی کے ناسور کےمکمل خاتمےکیلئےوفاقی ایپکس کمیٹی برائے نیشنل ایکشن پلان سے منظور شدہ وژن عزمِ استحکام کے تحت انسداد دہشت گردی مہم پوری رفتار سے جاری رہے گی۔