وزیراعظم محمد شہباز شریف کی نیدرلینڈ کے وزیر اعظم کو منصب سنبھالنے پر مبارکباد

اسلام آباد:وزیرِ اعظم محمد شہباز شریف نے سماجی رابطے کی ویب سائٹ پر اپنے پیغام میں روب جیٹن کو نیدرلینڈز کےوزیرِ اعظم کا عہدہ سنبھالنے پر مبارکباد دی ہے۔وزیرِ اعظم نے کہا کہ روب جیٹن کے لیے ان کی نئی ذمہ داریوں میں کامیابی کے خواہاں ہیں۔

وزیرِ اعظم نے امید ظاہر کی کہ پاکستان اور نیدرلینڈز کے درمیان دیرینہ اور مضبوط تعلقات کو مزید فروغ دینے کے لیے دونوں ممالک باہمی تعاون کو مزید وسعت دیں گے۔

وزیرِ اعظم نے اس عزم کا بھی اظہار کیا کہ دونوں ممالک مشترکہ مفادات کے شعبوں میں مل کر کام جاری رکھیں گے تاکہ دوطرفہ تعلقات کو نئی بلندیوں تک لے جایا جا سکے۔