ایرانی ہیلی کاپٹر فروٹ مارکیٹ پر گر کر تباہ ، 2 پائلٹ اور2 تاجر جاں بحق

تہران:ایرانی فوج کا ہیلی کاپٹر وسطی صوبے اصفہان کی فروٹ منڈی میں گر کر تباہ ہو گیا جس میں پائلٹ، معاون پائلٹ اور دو تاجر جاں بحق ہو گئے۔

ایرانی میڈیا رپورٹس کے مطابق ہیلی کاپٹر دورچے شہر کی فروٹ منڈی میں گرا ، حادثے کے بعد ہیلی کاپٹر میں آگ لگ گئی جس کے بعد ریسکیو اہلکاروں نے آگ پر قابو پایا۔ حادثہ کے بعد علاقہ میں ہنگامہ برپا ہو گیا اور ہر طرف افرا تفری پھیل گئی۔

ایرانی فوج اور متعلقہ سول اداروں نے واقعے کی تحقیقات کا آغاز کر دیا ہے تاکہ حادثے کی اصل وجوہات معلوم کی جا سکیں۔

خیال رہے کہ گزشتہ ہفتے ایرانی فضائیہ سے تعلق رکھنے والا امریکی ساختہ F-4 لڑاکا طیارہ مغربی صوبے ہمدان میں گر کر تباہ ہو گیا تھا۔