وزیرِ اعظم اور فیلڈ مارشل کی سعودی ولی عہد سے ملاقات کی تصاویر جاری،آرمی چیف کا کومبیٹ ڈریس میں نظر آنا غیر معمولی قرار

ریاض :وزیرِ اعظم پاکستان اورفیلڈ مارشل سید عاصم منیر، چیف آف آرمی سٹاف و چیف آف ڈیفنس فورسز کی گزشتہ روز سعودی ولی عہد سے اہم ملاقات ہوئی۔

تفصیلات کے مطابق وزیرِ اعظم پاکستان اورفیلڈ مارشل سید عاصم منیر، چیف آف آرمی سٹاف و چیف آف ڈیفنس فورسز کی سعودی ولی عہد محمد بن سلمان سے اہم ملاقات کے حوالے سے میڈیا میں جاری کی گئیں تصاویر میں فیلڈ مارشل سید عاصم منیر کو افواج پاکستان کے COMBAT DRESS میں دیکھا گیا جو انتہائی غیر معمولی اہمیت کا حامل ہے۔

ماہرین کے مطابق عمومی طور پر بیرون ملک دوروں کے دوران سپہ سالار CEREMONIAL لباس زیب تن کرتے ہیں، لیکن اس ملاقات کے دوران سپہ سالار کا COMBAT DRESS میں ہونا پاکستان کی اپنے دیرینہ برادر ملک سعودی عرب کے ساتھ مکمل یکجہتی کا اظہار ہے۔

ماہرین کا مزید کہنا ہے کہ یہ اس عزم کا اعادہ ہے کہ پاکستان اپنے دیرینہ تعلقات اور دفاعی معاہدے کے تناظر میں سعودی عرب کے دفاع کے لیے کوئی دقیقہ فروگزاشت نہیں کرے گا۔