ٹرمپ کا ایران کے ساتھ معاہدہ کرنے سے انکار، خراگ جزیرے پر پھر حملہ کرنےکی دھمکی

واشنگٹن ڈی سی: امریکی صدر ڈونلڈ ٹرمپ نے ایران کے ساتھ معاہدہ کرنے سے انکار کرتے ہوئے خراگ جزیرے پر پھر حملہ کرنےکی دھمکی دی ہے۔

تفصیلات کے مطابق  صدر ٹرمپ نےامریکی نیوز چینل این بی سی کو انٹرویودیتےہوئےکہا کہ ایران کےساتھ معاہدے کےلئےشرائط ابھی کافی اچھی نہیں۔معاہدےکےلئے شرائط بہت ٹھوس ہونی چاہئیں ۔انہوں نے کہا ایران کی طرف سےجوہری عزائم مکمل طور پرترک کرنے کا عزم ممکنہ معاہدےکا حصہ ہونا چائیے ۔

انٹرویو میں ڈونلڈٹرمپ نےکہا کہ ایران کےپاس واحد آپشن آبنائےہرمزمیں بارودی سرنگیں یاشارٹ رینج میزائل کا استعمال ہے۔۔واضح نہیں کہ ایران نےآبنائےپرمزمیں بارودی سرنگیں لگائی ہیں یا نہیں۔

ٹرمپ نے کہا کہ آبنائے ہرمزکومحفوظ بنانے کےلئےدوسرے ممالک کےساتھ کام کررہےہیں۔ایران کے زیادہ ترمیزائل ،ڈرونز اور پروڈکشن سائٹس تباہ کر دی ہیں ۔دو دن کےاندر باقی بھی تباہ کردیے جائیں گے۔امریکی صدر نےتیل کی قیمتوں میں اضافےسےمتعلق امریکیوں کےخدشات مسترد کردیے۔

دوران انٹرویو امریکی صدرصدر ٹرمپ نے مزید کہا کہ سننےمیں آیا ہےکہ ایران کےنئےسپریم لیڈر ممکنہ طور پر زندہ نہیں لیکن اگر ایرانی سپریم لیڈر زندہ ہیں توعقلمندی کامظاہرہ کرتےہوئےسرنڈرکردیں۔