وانا میں کسی فوجی تنصیب کو نقصان نہیں پہنچا: افغان طالبان کا حملے کا دعویٰ بے بنیاد ہے، وزارت اطلاعات

اسلام آباد: پاکستان کی وزارت اطلاعات نے افغان طالبان کے مبینہ وزارتِ دفاع کی جانب سے وانا میں کامیاب حملے کے دعوے کو گمراہ کن قرار دیتے ہوئے اس کی حقیقت واضح کر دی ہے۔

وزارت اطلاعات کی جانب سے فیکٹ چیک مطابق افغان طالبان کے حامی سوشل میڈیا اکاؤنٹ کی جانب سے یہ دعویٰ کیا گیا تھا کہ وانا میں ایک کامیاب کارروائی کی گئی ہے۔ تاہم حقائق اس دعوے کے برعکس ہیں۔

وزارت اطلاعات و نشریات کے مطابق جنوبی وزیرستان کے اوپر ایک ڈرون تباہ کیا گیا، ڈرون کو سافٹ کِل ٹیکنالوجی کے ذریعے ناکارہ بنایا گیا جس کا کوئی نقصان نہیں ہوا، کسی بھی فوجی تنصیب یا انفرااسٹرکچر کو نقصان نہیں پہنچا۔

خیال رہے کہ طالبان حکومت کے ایسے دعوے ان کے اس طرزِ عمل کی عکاسی کرتے ہیں جس میں وہ اکثر پروپیگنڈا اور من گھڑت بیانیہ پھیلاتے رہے ہیں۔ 

اس سے قبل حالیہ دنوں میں بھی انہوں نے پاکستان ایئر فورس کے طیارے مار گرانے اور پائلٹوں کو گرفتار کرنے جیسے جھوٹے دعوے کیے تھے، اس لیے ان کے بیانات کو قابلِ اعتبار نہیں سمجھا جا سکتا۔

تاہم فیکٹ چیک کے مطابق تباہ کیے گئے ڈرون کی تصویر اور ویڈیو بھی جاری کی گئی ہے۔ وزارت اطلاعات کا کہنا ہے کہ سچ ہمیشہ جھوٹ پر غالب آتا ہے۔