آپریشن غضب للحق میں افغان طالبان رجیم کی  252 پوسٹیں تباہ اور 684کارندے ہلاک ہوچکے ہیں ،عطا تارڑ

اسلام آباد: وفاقی وزیر اطلاعات عطا اللہ تارڑ نے کہا ہے کہ آپریشن غضب للحق میں افغان طالبان رجیم کے 684 کارندے ہلاک، 912سے زائد زخمی ہو چکے ہیں۔

تفصیلات کے مطابق سماجی رابطے کی ویب سائٹ ’ ایکس‘ پر اپنے بیان میں عطا اللہ تارڑ کا کہنا تھا کہ افغان طالبان کی اب تک 252 پوسٹیں تباہ اور 44 پر قبضہ کیا گیا، افغان طالبان رجیم کے 229 ٹینک اور مسلح گاڑیوں تباہ کردی گئیں، افغانستان میں 73 مقامات پر فضائی کارروائیوں میں اہداف کو نشانہ بنایا گیا۔

ایکس پر جاری بیان میں اُنہوں نےمزید کہا کہ پاک فوج نے 14اور 15مارچ کی شب دہشتگرد ٹھکانوں کو نشانہ بنایا، قندھار میں دہشتگردوں کی ٹیکنیکل سپورٹ اور اسلحہ سٹوریج تنصیبات تباہ کردی، قندھار میں دہشتگردوں کے تکنیکی آلات رکھنے والی سرنگ بھی تباہ کردی گئی۔

✅Operation Ghazb-lil-Haq
✅Update 1600 hours 15 March

✅Summary of Fitna Al Khawarij / Afghan Taliban losses

▪️684 Killed,
▪️912+ Injured
▪️252 Posts destroyed
▪️44 Posts captured and destroyed
▪️229 tanks, armoured vehicles, artillery guns destroyed
▪️73 terrorists and… pic.twitter.com/Q2D3KNJpfi

— Attaullah Tarar (@TararAttaullah) March 15, 2026

بیان میں وزیر اطلاعات کا کہنا تھا کہ چترال سیکٹر میں افغانستان کی بدینی پوسٹ پر دہشتگردوں کا جمپ آف پوائنٹ تباہ کردیا، پاکستان میں دہشتگردی کی حمایت کرنےوالے ٹھکانوں کے خلاف کارروائیاں کی گئیں۔

عطا تارڑ نے مزید کہا کہ کارروائیوں میں کسی شہری آبادی یا سویلین انفرااسٹرکچر کو نشانہ نہیں بنایا گیا، جیسا کہ افغان حکومت کے عہدیداروں اور میڈیا کی جانب سے غلط طور پر دعویٰ کیا جا رہا ہے۔