آپریشن غضب للحق کے ثمرات، ملک میں دہشتگردی کے واقعات میں 59 فیصد کمی

راولپنڈی:سیکیورٹی فورسز کی جانب سے افغانستان میں رواں سال 26 اور 27 فروری کی درمیانی شب دہشتگردوں کےخلاف آپریشن غضب للحق شروع ہونے کےبعد پاکستان میں دہشتگردی کے واقعات میں کمی ہوگئی۔

رپورٹس کے مطابق فروری 2026 کے مقابلے میں مارچ 2026 کے دوران دہشتگردی کے واقعات میں 59 فیصد کمی واقع ہوئی ہے۔ عرب نیوز نے معروف تحقیقاتی ادارے "سنٹر فار ریسرچ اینڈ سیکیورٹی اسٹڈیز" کی ایک رپورٹ شائع کی ہے جس میں اس پیش رفت کی تصدیق کی گئی ہے۔

رپورٹ کے مطابق  پاکستان میں 2026 کے پہلے 3 ماہ میں مجموعی طور پر دہشت گردی کے واقعات میں 18فیصد کمی ہوئی۔

جاری کر دہ رپورٹ میں بتایا گیا کہ گزشتہ سہ ماہی کے مقابلے خیبرپخنونخوا میں دہشتگردی میں 57 فیصد کمی ہوئی، دیگر شہروں میں بھی دہشتگردی میں واضح کمی واقع ہوئی،جبکہ ملک کے دیگر شہروں میں بھی امن و امان کی صورتحال میں بہتری آئی ہے۔

مزید برآں، گزشتہ سال کے مقابلے میں 2026 کی پہلی سہ ماہی میں دہشتگردی کے واقعات اور اموات میں بھی کمی ریکارڈ کی گئی ہے۔

رپورٹ کے مطابق سیکیورٹی فورسز کی کامیاب کارروائیوں میں دہشتگردوں کی زیادہ ہلاکتیں اس بات کی عکاسی کرتی ہیں کہ آپریشنز اب زیادہ مربوط، مؤثر اور مہلک ثابت ہو رہے ہیں۔

رپورٹ میں یہ بھی انکشاف کیا گیا ہے کہ فتنہ الخوارج اور فتنہ الہندوستان سے وابستہ عناصر کی جانب سے بلوچستان، خیبر پختونخوا اور اسلام آباد میں نہتے شہریوں کو نشانہ بنایا گیا۔

اعداد و شمار کے مطابق 2026 کے ابتدائی تین ماہ کے دوران مجموعی طور پر دہشتگردی کے واقعات میں 18 فیصد کمی واقع ہوئی ہے،رپورٹ میں مزیدکہا گیا کہ دہشت گردوں نے بلوچستان، خیبر پختونخوا، اسلام آباد میں نہتے شہریوں پر حملے کیے۔