وزیراعظم کا شہریوں کیلئے بڑا ریلیف،ٹرینوں کے کرایوں میں اضافہ روک دیا گیا

اسلام آباد: وزیراعظم شہباز شریف نے ریلوے کےمسافروں کیلئے بڑے ریلیف کا اعلان کردیا ہے، ڈیزل قیمتوں میں اضافے کا بوجھ حکومت خود برداشت کرے گی۔

تفصیلات کے مطابق وزیر اعظم نے پاکستان ریلویز کو کسی بھی کلاس کا کرایہ بڑھانے سے روک دیا ہے، اکانومی اور اے سی کلاسز سمیت کسی بھی کلاس کے کرائے میں کوئی اضافہ نہیں کیا جائے گا۔

وزیر ریلوے حنیف عباسی نے کہا ہے کہ آپریشنل اخراجات پورے کرنے کیلئے ٹرین کرایوں میں اضافہ ناگزیر تھا مگر تاجر برادری کی سہولت کیلئے فریٹ ٹرینوں کے کرایوں میں بھی کوئی اضافہ نہیں کیا جائے گا۔

انہوں نے کہا ہے کہ 30 جون تک 6 ارب روپے کا اضافی بوجھ اپنے ذمہ لے کر وزیر اعظم نے مشکل وقت میں ریلوے مسافروں کے دل جیت لیے ہیں۔