شمالی وزیرستان: سرحد پار سے دراندازی کرنے والے 8 خوارج کی شناخت ہوگئی، 2 افغان شہری نکلے

راولپنڈی:شمالی وزیرستان میں دراندازی کرنے والے 8 ہلاک خوارج کی شناخت ہوگئی، ہلاک دہشت گردوں میں سے 2افغان شہری نکلے ۔ 

تفصیلات کے مطابق سیکیورٹی ذرائع کے مطابق ہلاک دہشت گردامیرحمزہ حقیار ولد عبدالکریم اور دہشت گرد امیر عبدالرحیم ولدزرولی کا تعلق پکتیا افغانستان سے ہے۔

دفاعی ماہرین کے مطابق اس ہولناک واقعہ نے افغان طالبان رجیم کے جھوٹے دعوے کو جھوٹ ثابت کردیا کہ وہ پاکستان میں دہشت گردی کی سرپرستی نہیں کرتے ۔  

درحقیقت افغان طالبان رجیم امن مذاکرات کی آڑ میں پاکستان سے ریلیف اور وقت حاصل کرکے تجارتی فوائد حاصل کرنا چاہتے ہیں۔

سیکیورٹی ذرائع کا کہنا ہے کہ افغان طالبان رجیم کی دہشت گردانہ سوچ میں کسی قسم کی تبدیلی نہیں آئی،اگر کسی کو مذاکرات سے متعلق کوئی خوش فہمی ہے تو وہ غلطی پر ہے ۔ 

مذاکرات کے نام پر افغان طالبان صرف دکھاوا کر رہے ہیں’’ غضب للحق‘‘ کو مزید مضبوطی اور شدت کے ساتھ جاری رکھنا چاہیے۔

خیال رہے کہ  چند روز قبل دہشتگردوں سے سرحد پار سے دراندازی کرنے کی کوشش کی تھی تا ہم سیکیورٹی فورسز نے بروقت کارروائی کرتے ہوئے تمام خارجیوں کو ہلاک کر دیا تھا ۔