خیبرپختونخوا: حالیہ بارشوں سے45 افراد جاںبحق اور 442 گھروںکو نقصان پہنچا، پی ڈی ایم اے

پشاور: پروونشل ڈیزاسٹر مینجمنٹ اتھارٹی (پی ڈی ایم اے) نے خیبرپختونخوا میں 25 مارچ سے اب تک ہونے والی بارشوں کے دوران نقصانات کی رپورٹ جاری کردیں۔

تفصیلات کے مطابق پی ڈی ایم اے حکام کاکہنا ہے کہ بارشوں سے مختلف حادثات میں اب تک 45 افراد جاں بحق اور 105افراد زخمی ہوئے۔
پی ڈی ایم اے کے مطابق مجموعی طور پر 442 گھروں کو نقصان پہنچا، جس میں سے 382 گھروں کو جزوی اور 60گھر مکمل طور  پر تباہ ہوئے۔

اس کے علاوہ پی ڈی ایم اے نے متاثرہ اضلاع کی انتظامیہ کو متاثرین کو جلد امدادی سامان فراہمی کی ہدایت بھی کی ہے،پی ڈی ایم اے کے مطابق صوبے میں بارشوں کا نیاسلسلہ 6 سے 9 اپریل تک جاری رہنےکا امکان ہے۔

دوسری جانب پیسکو حکام کی جانب سے بتایا گیا ہے کہ بارش کے دوران بند ہونے والے تمام فیڈرزبحال کردیئے گئے، مجموعی طور پر پیسکو کے 235 فیڈرز  پر فالٹ آیا تھا۔

پیسکو حکام نے کا کہنا ہے جن فیڈرز  پر ممکن تھا ان فیڈرز کو متبادل روٹ سے بجلی فراہم کی گئی ہے۔