امریکی و اسرائیلی حملے میں پاسدارانِ انقلاب کے انٹیلی جنس چیف شہید،ایران کی تصدیق

تہران:ایران کی پاسداران انقلاب کے انٹیلی جنس چیف ماجد خادمی امریکی و اسرائیلی جارحیت کےنتیجے میں شہید ہوگئے ہیں جس کی خود پاسدارانِ انقلاب اور ایرانی میڈیا نے تصدیق کردی ہے۔

ایرانی نیم سرکاری ایجنسی تسنیم نیوز کے مطابق پاسدران انقلاب کی جانب سے انٹیلی جنس چیف ماجد خادمی کی شہادت کی تصدیق کی گئی ہے۔
پاسدران انقلاب بیان میںمزید کہا کہ ماجد خادمی ایران کے سیکیورٹی اداروں میں کئی دہائیوں تک ثابت قدم خدمات انجام دیتے رہے۔

بیان میں ان کے قومی سلامتی اور استحکام کے تحفظ میں مرکزی کردار کو بھی اجاگر کیا گیا۔

IRGC Intelligence Chief Attains Great Honor of Martyrdom

The IRGC announced on Monday the martyrdom of Brigadier General Majid Khademi, after decades of steadfast service to Iran’s security apparatus, underscoring his central role in safeguarding national security and stability. pic.twitter.com/0tTVJOvEDx

— Tasnim News Agency (@Tasnimnews_EN) April 6, 2026

خیال رہے کہ ایران نے میجر جنرل مجید خادمی کو جون 2025 میں پاسدارانِ انقلاب کی انٹیلیجنس ونگ کا سربراہ مقرر کیا تھا، جب ان کے پیشرو جنرل محمد کاظمی بارہ روزہ جنگ کے دوران  اسرائیلی حملے میں شہید ہو گئے تھے۔

اس سے قبل جنرل ماجد خادمی وزارتِ دفاع میں انٹیلی جنس پروٹیکشن آرگنائزیشن کے سربراہ کی حیثیت سے خدمات سرانجام دے چکے ہیں۔

 قبل ازیں اسرائیل کے وزیر دفاع اسرائیل کاٹز نے ایک بیان میں مجید خادمی کے جاں بحق ہونے کا اعلان کیا تھا۔