فاسٹ باؤلر نسیم شاہ غیر معینہ مدت کیلئے پی ایس ایل سے باہر،مگر کیوں ؟

راولپنڈی: فاسٹ بولر نسیم شاہ انجری کی وجہ غیر معینہ مدت کے لیےپاکستان سپر لیگ ( پی ایس ایل) سے باہر ہوگئے۔

تفصیلات کے مطابق پی ایس ایل فرنچائز راولپنڈی پنڈیز نے بھی نسیم شاہ کے غیر معینہ مدت کے لیے باہر ہونے کی تصدیق کر دی۔

اس حوالے سے راولپنڈی پنڈیز انتظامیہ کا کہنا ہے فاسٹ بولر نسیم شاہ کراچی کنگز کے خلاف سائیڈ انجری کا شکار ہوگئے تھے، انجری کی وجہ سے نسیم شاہ غیر معینہ مدت کے لیے ٹیم سے باہر ہو گئے ہیں۔

ٹیم انتظامیہ کا کہنا ہے ٹیم کا میڈیکل اسٹاف فاسٹ بولر کی ریکوری کو مانیٹر کر رہا ہے، امید ہے کہ نسیم شاہ ری ہیب اور فٹنس کلیئرنس کے بعد ٹورنامنٹ کے آخری مرحلے میں واپسی کر سکیں گے۔

راولپنڈی پنڈیز انتظامیہ کا مزید کہنا ہے نسیم شاہ کے ساتھ کھڑے ہیں اور ان کی مکمل سپورٹ جاری رکھے ہوئے ہے۔

خیال رہے کہ پی ایس ایل کے دوران کراچی کنگز کے خلاف میچ میں نسیم شاہ انجری کا شکار ہوئے تھے۔