وزیر اعظم شہباز شریف کی اماراتی بندرگاہ خوروفکان پر حملے شدید مذمت،فریقین سے تحمل کی اپیل

اسلام آباد: وزیرِ اعظم شہباز شریف نے متحدہ عرب امارات کی بندرگاہ خور فکان پر پیش آنے والے واقعے پر گہری تشویش کا اظہار کیا ہے جہاں ایک روکا گیا پروجیکٹائل شہریوں پر آ گرا جس کے نتیجے میں پاکستانی شہریوں سمیت متعدد افراد زخمی ہو گئے۔

تفصیلات کے مطابق جاری کر دہ بیان میںوزیرِ اعظم شہباز شریف نے زخمیوں کی جلد صحت یابی کے لیے دعا کرتے ہوئے کہا کہ پاکستان اس معاملے میں اماراتی حکام سے مسلسل رابطے میں ہے تاکہ متاثرہ پاکستانی شہریوں کو ہر ممکن معاونت فراہم کی جا سکے۔

بیان میں انہوں نے کہا کہ پاکستان متحدہ عرب امارات کے برادر عوام کے ساتھ مکمل یکجہتی کا اظہار کرتا ہے اور خطے میں کشیدگی کم کرنے اور تحمل کا مظاہرہ کرنے کی فوری ضرورت پر زور دیتا ہے۔