کشیدگی کے خاتمے کے بعد ملک میں پیٹرولیم مصنوعات کی قیمتوں میں نمایاں کمی کا امکان

اسلام آباد: ایران اور امریکہ کے مابین کئی ہفتوں سے جاری کشیدگی اور بحران کےخاتمے کے بعد عالمی مارکیٹ میں خام تیل کی قیمتوں میں نمایاں کمی ریکارڈ کی گئی ہے ،جس کے پیش نظر پاکستان میں تیل سستا ہونے کا امکان پیدا ہو گیا ہے۔

ذرائع پیٹرولیم انڈسٹری کے مطابق پیٹرول 55 روپے ، ڈیزل کی قیمت میں 95 سے 100 روپے فی لیٹر کمی ہو سکتی ہے،پیٹرولیم مصنوعات کی قیمتوں کا حتمی فیصلہ وزیراعظم کرینگے۔ 

ذرائع کا مزید کہنا ہے کہ وزیراعظم شہباز شریف کا آج قوم سے خطاب متوقع ہے جس میں پیٹرولیم مصنوعات کی قیمتوں اور کھپت سے متعلق حکومتی حکمت عملی سامنے لائے جانے کا بھی امکان ہے۔

خیال رہے کہ امریکا اور ایران میں جنگ بندی کے بعد عالمی مارکیٹ میں خام تیل کی قیمتیں 13 سے 15 فیصد گر گئیں، برطانوی خام کی قیمت 112 ڈالر فی بیرل سے کم ہوکر 94 ڈالر 69 سینٹ پر آ گئیں۔