عالمی اور مقامی مارکیٹ میں سونے کی قیمتوں میں بڑی کمی ، فی تولہ کتنے کا ہو گیا؟

کراچی: کاروباری ہفتے کے آخری روز عالمی اور مقامی مارکیٹ میں سونے کی قیمتوں میں بڑی کمی ریکارڈ کی گئی۔

آل پاکستان جیمز اینڈ جیولرز ایسوس ایشن کے مطابق فی تولہ سونے کی قیمت 3 ہزار 300 روپے کم ہو کر 5 لاکھ ایک ہزار 562 روپے ہو گئی۔

ایسوسی ایشن کے مطابق اسی طرح 10 گرام سونے کا بھاؤ 2 ہزار 829 روپے کم ہو گیا جس کے بعد نئی قیمت 4 لاکھ 30 ہزار روپے ہو گئی۔

دوسری جانب عالمی بلین مارکیٹ میں سونے کا بھاؤ 33 ڈالر گھٹ کر 4 ہزار 792 ڈالر فی اونس ہو گیا۔

خیال رہے گزشتہ روز مقامی مارکیٹ میں سونے کی قیمت میں 1400 روپے کا اضافہ ریکارڈ کیا گیا تھا۔