امریکی بحریہ کی ناکہ بندی، ایران نے آبنائے ہرمز دوبارہ بند کر دی

تہران: امریکہ کی جانب سے ایرانی بندرگاہوں کو جانے اور آنے والے جہازوں کی ناکہ بندی کے جواب میں پاسدران انقلاب نے آبنائے ہرمز کو دوبارہ بند کر دیا۔

ایرانی میڈیا رپورٹس کے مطابق آبنائے ہرمز سے بحری جہازوں کے گزرنے پر ایرانی مسلح افواج کی مکمل نگرانی ہے جبکہ پاسدارانِ انقلاب نے کہا کہ اگر امریکا کی جانب سے آبنائے ہرمز کی ناکہ بندی جاری رہتی ہے تو اس راستے کو کالعدم تصور کیا جائے گا۔

بیان میں پاسداران انقلا ب کا کہنا تھا کہ امریکہ کی جانب سے بار بار "اعتماد کی خلاف ورزی" پر آبنائے ہرمز سے بحری جہازوں کے گزرنے پر دوبارہ پابندیاں عائد کی جا رہی ہیں۔

بیان میں انہوں نے کہا کہ آبنائے کا کنٹرول اُس وقت تک مسلح افواج کے سخت انتظام اور کنٹرول کے تحت رہے گا جب تک کہ امریکا ایرانی بندرگاہوں کے لیے بحری جہازوں کی روانگی کی ناکہ بندی ختم نہیں کر دیتا ہے۔

خیال رہے کہ امریکی صدر ڈونلڈ ٹرمپ نے کہا تھا کہ جب تک ایران کے ساتھ مکمل معاہدہ نہیں ہو جاتا، ایرانی بندرگاہوں کی بحری ناکہ بندی برقرار رہے گی۔